O Sistema de Emprego con Apoio estase a aplicar a persoas con enfermidade mental en proceso de rehabilitación laboral demostrando ser de gran utilidade. Se ben, as necesidades de apoio deste colectivo no ámbito laboral son diferentes ás doutros sectores da discapacidade. En España, despois dunha década de experiencia, existe aínda un gran descoñecemento do sistema por parte dos profesionais.

Para trasmitir á Administración Autonómica as peculiaridades e implicacións que o Sistema de Emprego con Apoio ten para o colectivo de persoas con enfermidade mental e os obstáculos e dificultades de acceso ás liñas de axuda por parte das organizacións que atenden esta área, FEAFES Galicia vén de manter reunións con Andrés Hermida Trastoy, Director Xeral de Promoción do Emprego e Jorge Barros de la Peña, Subdirector Xeral de Apoio á Contratación e a Emprendedores.

Das 39.400 persoas que conforman o censo comarcal de Ordes, preto de 1.000 padecen unha enfermidade mental que os incapacita para levar unha vida independente e normalizada. As familias constitúen o principal recurso de coidado e soporte social do enfermo (nada menos que nun 88%), se ben as necesidades que se derivan desta situación aínda son pouco atendidas.

O descoñecemento do problema e –tras o inicio deste- as dificultades, tensións e sobrecargas ás que se teñen que enfrontar en solitario sen contar co apoio necesario, fan que as propias familias se convertan nun elemento máis que precisa de coidado especializado, co consecuente gasto social.

Tendo en conta esta necesidade, FEAFES Galicia (Federación de Asociacións de Familiares e Persoas con Enfermidade mental de Galicia) e o Concello de Ordes, a través da súa Oficina Integralda Discapacidade, poñen en marcha nesta vila o curso gratuíto “Coñecemento da enfermidade mental e pautas para os familiares”.

28/01/2010

Onte deu comezo nas instalacións da Biblioteca Anxel Casal de Santiago o Taller de asertividade laboral para persoas  con enfermidade mental organizado por FEAFES Galicia.

Esta iniciativa pretende reforzar a metodoloxía de intervención grupal para aqueles demandantes de emprego con déficits  en habilidades de comunicación. Por iso, o obxectivo do curso é que os participantes adquiran as habilidades sociais necesarias  para se desenvolver de xeito eficaz nun medio social e laboral normalizado. Isto contribuir a mellorar as suas destrezas  comunicativas, aumentando as posibilidades de conseguir e manter un posto de traballo.

28/12/2009