Segundo a Organización Mundial da Saúde (OMS), unha en cada catro persoas verase afectada por trastornos mentais ou neurolóxicos nalgún momento da súa vida a nivel mundial.

Os trastornos mentais son universais, afectan todos os países, todas as sociedades e a persoas de todas as idades. Actualmente, uns 450 millóns de persoas padecen algunha doenza deste tipo, o que fai dos trastornos mentais unha das principais causas de mala saúde e incapacidade en todo o mundo.

Segundo a Dirección Xeral do Maior e Persoas con Discapacidade, en Galicia hai 24.447 persoas discapacitadas a consecuencia dunha enfermidade mental.