As persoas que padecen un trastorno mental atravesan etapas críticas en que a sintomatoloxía irrompe con máis forza. Cando teñen lugar estas situación críticas, a persoa afectada necesita coidados médicos, protección e apoio. En moitas ocasións mesmo é necesaria a hospitalización. Cando o paciente afectado se recupera e alcanza un nivel adecuado de compensación, debe diminuír a protección e tanto o equipo terapéutico coma a familia deben esixirlle que vaia recuperando pouco a pouco a normalidade; primeiro no seu coidado e aseo persoal, despois nas tarefas de colaboración na vida doméstica e máis tarde nas actividades ocupacionais e amizades e, se for posíbel, nos estudos ou traballo.