A Conselleira de Sanidade -Mª Xosé Rubio- realizarou onte ante os medios de comunicación a presentación oficial do proxecto Coidamos de Ti: Programa de alivio a coidadores non profesionais e de ocio activo para persoas con enfermidade mental. Ademais da titular deste departamento, estiveron presentes no acto Xosé Ramón Girón García - Presidente de FEAFES- e Víctor Pedreira Crespo, Subdirector Xeral de Saúde Mental e Drogodependencias do Sergas.

O programa Coidamos de Ti -desenvolvido por FEAFES Galicia (Federación de Asociacións de Familiares e Persoas con Enfermidade Mental de Galicia) a través do financiamento da Consellería de Sanidade- ten como obxectivo ofrecer ao colectivo un catálogo de actividades de ocio e tempo de lecer que sirva, á súa vez, de alivio da carga que lles supón aos seus coidadores non profesionais, principalmente familiares.

26/05/2008

Un dos avances fundamentais que reivindican as entidades sociais que defenden os dereitos do colectivo de persoas con discapacidade no noso país é a plena integración no mercado laboral. A consecución desta meta implica un doble labor. A finalidade última é, sen dúbida, a de xerar emprego estable e cualificado para este sector da poboación, pero esta dimensión non se entende sen un paso previo e esencial: a formación deste como persoal especializado e competente.

Consciente da importancia de cubrir esta fase -e deseñar unha oferta de formación ocupacional adaptada ás necesidades das persoas con discapacidade- FEAFES Galicia organiza dende 2004, -e dentro do seu programa de inserción laboral OEDEM-  unha variedade de cursos de formación que preparan aos seus usuarios para afrontar o mercado laboral, ben reforzando aspectos xerais (cursos de técnicas para a busca de emprego, alfabetización informática, etc.) ou aspectos profesionais específicos.

19/05/2008

Coa inauguración esta fin de semana en A Guarda dunha casa destinada ao respiro familiar, FEAFES realizou o inicio de actividades do seu novo servizo Coidamos de ti: Programa de alivio a coidadores non profesionais e de ocio activo para persoas con enfermidade mental.

As instalacións, sitas no porto guardés, acolleron os pasados días 16, 17 e 18 de maio ao primeiro grupo de usuarios, que, acompañados de dous monitores da asociación ferrolá AFAES Porta Nova (unha das 14 asociacións federadas a FEAFES) disfrutaron tamén dun amplo abano de actividades complementarias. O alto valor paisaxístico e cultural da zona permite unha serie de alternativas de ocio como visitas ao Monte Santa Tegra, á veciña Portugal a través do ferri, ou a realización de distintas rutas de sendeirismo.