22/07/2008

A activista norteamericana polos dereitos dos discapacitados Judith Heumann, destacou onte en Santiago a necesidade de conquerir "as mesmas oportunidades para todos" e "axudar a educar ás persoas con discapacidade sobre os seus dereitos".

Heumann presentou a súa experiencia persoal e profesional no marco do programa de conferencias Boas Prácticas polo Mundo co que a Fundación Iniciativas 21 busca recoñecer o labor de personaxes destacados polo seu traballo, neste caso no eido da discapacidade.

22/07/2008

FEAFES Galicia, como entidade máis representativa do colectivo de discapacidade por enfermidade mental en Galicia, e que agrupa a 14 asociacións e a máis de 4.600 socios, ante a posibilidade en debate actualmente de que o novo Xulgado de Primeira Instancia de Santiago de Compostela sexa un órgano especializado en Familias e Incapacidades, desexa manifestar o seguinte:

A Federación, en nome de todas as entidades e persoas ás que representa, apoia sen reservas a creación dese novo órgano especializado e súmase a aqueles que, dende diversos ámbitos, solicitan a súa creación.

18/07/2008

Como en exercicios anteriores, Obra Social Caixa Galicia apoiará durante 2008 a FEAFES Galicia no financiamento do Programa de Inserción Laboral para Persoas con Enfermidade Mental OEDEM.

FEAFES resultou beneficiario dunha axuda de 30.000 euros para o desenvolvemento das distintas actividades que leva a cabo este servizo. O Programa OEDEM foi posto en marcha pola Federación en 2002 e enfoca as súas actuacións non só á orientación e inserción laboral, senón tamén á intermediación con ofertantes de emprego público.

O obxectivo deste encontro deportivo é promover a participación social do colectivo a través do deporte como instrumento integrador e de sensibilización social.

Á entrega de premios asistiu Andrés Fariña Cadenas, Concelleiro de Deportes do Concello de Santiago.

O pasado 5 de xullo celebrouse no Pavillón do Restollal da capital Compostelá o Segundo Campionato Galego de Balompé: Tolos polo Fútbol para Persoas con Enfermidade Mental.

FEAFES Galicia (Federación de Asociacións de Familiares e Enfermos Mentais de Galicia) organizou este evento en colaboración coa Consellería de Sanidade, a Fundación Celta de Vigo e a Fundación Deporte Galego a través do seu programa de axudas para a promoción do deporte. Son tamén entidades colaboradoras GADIS e Coca-Cola.